2021 жылдың 8 қыркүйегінде ел Тәуелсіздігінің 30 жылдығына Қабанбай батыр даңғылы мен Керей мен Жәнібек хандар көшесінің қиылысында даңқты спортшы Жақсылық Үшкемпіровтің құрметіне ескерткіш орнатылды. Ескерткіштің мүсіні қоладан, тұғыры граниттен жасалған. Биіктігі – 7,5 метр. Авторы - елордалық мүсінші Ербол Зиябеков. Сарай ғимараты Қазақстанның құдіреті мен еркіндігінің символы ретінде қалықтаған алтын қыранды бейнелейтін үшбұрышты пішінге ие.
Спорт кешені – 4 қабатты ғимарат, жалпы ауданы 32 146,1 м2, алаңы 5,1724 га. Сонымен қатар ғимаратта: арена, қонақ үй, мейрамхана, асхана, фитнес орталығы, кеңселер, мәжіліс залы, жекпе-жек залы, фельдшерлік пункт және шағын футбол алаңы бар.
Жалпы ауданы
Ғимарат
Жер телімінің ауданы
Автокөліктерге арналған 279 орын, автобустарға арналған 5 орын
Жертөледегі автотұрақ
Барлық халықаралық стандарттарға сай заманауи жабдықтардың арқасында жекпе-жек сарайының қызметтері халықаралық дәрежедегі спортшыларға да, спорт сүйер қауымға да, оның ішінде мүмкіндігі шектеулі жандарға да қолжетімді.
Ғимараттың әмбебаптығы аренаның функционалдығымен байланысты. Аренаның ортасындағы кеңістік өткізілетін іс-шараның ерекшелігіне қарай жабдықталады. Бұл бокс рингі, дзюдо татамиі, гимнастикалық төсеніш, таэквондо даянгтары, күрес төсеніштері, баскетбол, волейбол немесе концерт алаңдары сияқты спорттық- мәдени іс-шараларды, жиындарды өткізуге мүмкіндік береді.
Әртүрлі жастағы ересектер мен балаларға арналған секциялар кәсіби және тәжірибелі нұсқаушылардың, спорт шеберлері мен спорт шеберлігіне үміткерлердің сүйемелдеуімен жүргізіледі.
