2023 жылғы 16-18 маусым аралығында Ж.Үшкемпіров атындағы жекпе-жек сарайында Астана қаласының дене шынықтыру және спорт басқармасы мен Қазақстан Республикасы Мәдениет және спорт министрлігінің Спорт және дене шынықтыру істері комитетінің қолдауымен "Бүкілқазақстандық қоян-қолтық ұрыс қауымдастығы" ұйымдастырған қоян-қолтық ұрыстан әлем чемпионаты өтті.

Әлем чемпионатына 28 елден (Әзірбайжан, Армения, Ауғанстан, Беларусь, Гана, Германия, Үндістан, Иордания, Иран, Қырғызстан, Румыния, Ресей, Тәжікстан, Өзбекстан, Венесуэла, Қытай, Колумбия, Италия, Испания, Перу, АҚШ, Сенегал, Тайланд, Чехия, Польша, Молдова, Моңғолия, Қазақстан) спортшылар қатысты. Чемпионатта барлығы 300-ге жуық қатысушы жеңіске жету үшін күресті.

18 маусымда соңғы күні жарыстың салтанатты ашылуы және 10 салмақ дәрежесінде финалдық жекпе-жек өтті.

Жарқын және қарқынды жекпе-жектер өтті, олардың ішіндегі ең мықтысы шықты!

Сондай-ақ біздің жанкүйерлер өз спортшыларына үлкен қолдау көрсетті!